એકલા લાંબા અંતર (કાર દ્વારા 2000 કિમી, 3-4 દિવસ) ની મુસાફરી કરતી વખતે કઈ સાવચેતી રાખવી જોઈએ?

• સૌથી પહેલા તો ટાયર ચેક કરી લેવા. જરૂર લાગે તો નવા લઈ લેવા.
• પછી પંચર બનાવવાની કીટ લેવી.ટ્યુબલેસ ટાયરમાં કોઈ પણ પંચર બનાવી શકે.
• વધુમાં ઉપયોગી ટાયર માટે હવા ભરવાનું મશીન. અજાણી જગ્યાએ ખૂબ કામ આવે.
• પછી કારનું ફિલ્ટર જે કેબિનેટમાં હોય એ જોઈ લેવું. જો ઠીક લાગે તો ચેન્જ કરી દેવું.
• પછી કારનું કુલન્ટ જોઈ લેવું. જો બદલ્યું ના હોય તો બદલી લેવું.
• પછી એ.સી. ચેક કરી લેવું. જો એસીની ડકટમાં વધુ અવાજ આવતો હોય એવું લાગે કે કોઈ કચરો છે તો એસી ડકટ સાફ કરાવી લેવી. બજારમાં એના પણ ક્લીનર મળે છે.
• સારું એવું કાર પરફ્યુમ લઈ લેવું.
• ત્યાર બાદ જો ગાડી વોશિંગ ના કરાવી હોય તો કરવી લેવી.
• ગાડીના એનજીનમાં બધા પાર્ટ્સ બરાબર ચાલે છે કે નહિ એ જોઈ લેવા.
• વાઈપર ક્લીન કરવા બજારમાંથી લિકવિડ લઈ લેવું. અને એક 5 લિટરનું કેન પાણી માટે ડેકીમાં રાખવું. રોજ સવારે એ ક્લીનર મિક્સ પાણી વાઈપર માટે ભરી લેવું.
• ગાડીના ઇન્ટિરિયરની સાફ સફાઈ કરવા એક સાફ કપડું રાખવું.
• સાથો સાથ ડ્રાઈવર સીટ નીચે જુના ન્યૂઝપેપર ના મોટા કટકા રાખવા. જેથી જ્યારે ગાડીમાં કોઈ કચરો થાય કે કોઈ લિકવિડ ઢોળાય તો આ પેપરથી તરત સાફ કરી શકાય.
• ગાડીમાં એક ક્રિકેટ બેટ કે હોકી સ્ટીક સુરક્ષા માટે પણ રાખવું. અવાવરું જગ્યાએ કોઈ અજાણ્યા લોકો હુમલો કરે કે ચોરી લૂંટફાટ વખતે સ્વબચાવમાં કામ આવે.
• છેલ્લે પ્રવાસના આગલના દિવસે ટાયર એલાયમેન્ટ કે બેલેનસિંગ કરાવવા જેથી એનો ફાયદો સફરમાં મળે.